بِسْمِ اللَّـهِ الرَّحْمَـٰنِ الرَّحِيمِ
منتـدى آخـر الزمـان  

العودة   منتـدى آخـر الزمـان > المنتدى الاجتماعي > الأسرة والمجتمع > مطبخ المنتدى

مطبخ المنتدى
تقديم وصفات الطعام وإعداد الوجبات الصحية الشهية.

               
 
  #1  
قديم 06-28-2014, 08:12 PM
المدير
 Egypt
 Male
 
تاريخ التسجيل: 16-12-2013
الدولة: القاهرة
العمر: 56
المشاركات: 6,729
معدل تقييم المستوى: 10
بهاء الدين شلبي تم تعطيل التقييم
افتراضي رز باللبن بطريقة سهلة ومجربة

السلام عليكم ورحمة الله وبركاتة



هذه طريقة لعمل الرز باللبن [الحليب] توافق طريقتي المجربة .. وهذه أروع طريقة لعمله وسهلة جدا .. وأردت نقلها لكم لكونها جاهزة بالشرح والصور .. نصيحتي جربوها ولن تندموا .. وجاهز لأي استفسار

ده شكل قوام الرز بلبن

باللبن بطريقة سهلة ومجربة

وكدة لما زينا الأطباق بالجوز الهند والزبيب وممكن فستق مبشور

باللبن بطريقة سهلة ومجربة

المقادير دي تعملك 4 كاسات

باللبن بطريقة سهلة ومجربة

المقادير:-
ملو ايدك كدة رز مصر او ربع كوباية

باللبن بطريقة سهلة ومجربة

الكوب المستخدم في القياس هو كوباية الماية العادية

2 كوباية لبن طازج
ربع كوباية رز
نص كوباية كريمة لباني
ربع كوباية سكر
1 معلقة طعام مليانة نشا ذرة
وفانيليا للنكهة

باللبن بطريقة سهلة ومجربة


يا جماعة كتير جدا جدا بيسألوني عن الكريما اللباني بالذات بعد موضوع المهلبية . كريمة الخفق او الكريما اللباني او الduble cream أوالfresh cream هي نفسها الكريم شانتية بس قبل الخفق. وفي نوعين نوع مخصص للحلويات ونوع مخصص للطبخ ممكن تستخدمي أي وحدة فيهم , بس لازم تعرفي اني الي بتبقى مخصصة للحلويات أوقات بتبقى مسكرة يعني مضاف لها سكر بس مش متوفرة كتير بالذات في مصر والي مخصصة للطبخ بتبقى من غير سكر . ممكن تستخدمي اي وحدة فيهم عادي. ده شكل كريمة خفق المراعي الي متوفرة في كل دول الخليج . دي زي ما موضح عليها للحلويات بس النوع الي مخصص للطبخ برضو ممكن تستخدمي في الحلويات لانو كريما لباني من غير سكر.وميزة اضافة الكريما للرز بلبن والمهلبية والعاشوراء بيديها نكهة جميلة جدا جدا ومش بيخليها تعمل وش حتى لما تبات في الثلاجة والميزة الأهم انها بتربط نكهة الرز بنكهة اللبن وبتدي تجانس جميل علماً

باللبن بطريقة سهلة ومجربة

مش عارفة ليه مقتنعة اني اللرز باللبن ما يتزينش غير بالجوز الهند والزبيب يمكن علشان ما ساعات ما فتحت عنيا وأنا بلقي ماماتي بتزينه بالجوز الهند والزبيب .

باللبن بطريقة سهلة ومجربة

الطريقة:
كتير بيشتكون اني الرز بياخذ وقت طويل عقبال مايستوي يعني بنسيب اللبن بيغلي لفترة لحد ما الرز يستوي .
بصي بقى حنعمل اية . حنجيب كاسارول وحنحط فيها (اللبن والكريما اللباني)

باللبن بطريقة سهلة ومجربة

الرز المغسول

باللبن بطريقة سهلة ومجربة

ونضيف السكر

باللبن بطريقة سهلة ومجربة

كدة عندنا في الكاسرول (اللبن والكريما والسكر والرز)

باللبن بطريقة سهلة ومجربة

حنرفعها على النار لحد ما تغلي غلوة واحدة بس او تسخن جداً ونطفي عليها ونسيبها لحوالي ساعة . والسبب اننا بنخلي الرز يستوي براحتة من أثر الحرارة وحيبقى بعد كدة كريمي جداً وبيدوب لوحدة بس محافظ على شكلة وحجمه . والأهم انك لما تيجي تاكلي الرز بلبن تحسي اني الرز كان منقوع في لبن مش في مية وطعمه فعلا طعم اللبن ومن هنا بتيجي نكهة (طبق الرز بلبن). على فكرة كلت رز بلبن عند ناس كتير وأغلبهم يا بيغلو الرز في مية وبعد كدة يضيفو على اللبن فللأسف بتحسي انك بتاكل رز مفلفل ومضاف له مهلبية أو بينقعو الرز في المية لفترة طويلة. علشان كدة بتحسي لما بتاكلي رز بلبن من بتوع المحلات اني الرز مندمج جداً والطعم متكامل كدة

باللبن بطريقة سهلة ومجربة

ده شكل الرز اول ما غلي اللبن وقفلت عليه

باللبن بطريقة سهلة ومجربة

وده شكله بعد ساعة بالظبط بصي بقى طري والحبة طولت جداً وجاهز اننا نعمله رز بلبن , وعلى فكرة لو دقتيه حتحسية متشبع بنكهة اللبن والكريما

باللبن بطريقة سهلة ومجربة


بعد ما كدة حنولع النار على الرز بلبن تاني ونسيبها تغلي كدة حوال ربع ساعة مع التقليب المستمر وحنلاحظ اني الرز استوى نهائي وبقي طري وجميل.

باللبن بطريقة سهلة ومجربة

وهنا شكلة بعد ما استوى 100% بصي ناعم ازاي بس محافظ على شكله لسه

باللبن بطريقة سهلة ومجربة


حنذوب معلقة النشا في مية عادية

باللبن بطريقة سهلة ومجربة

وحنضيفها على الرز بلبن مع التحريك المستمر بالمعلقة الخشب

باللبن بطريقة سهلة ومجربة

وده بقى شكلة . نيجي بقى لمواصفات الرز بلبن الصحيح . حيبقى قوامة شبة تقيل بس أقرب للسيولة . والرز متوزع كدة على الوش زي ما خدتي بالك من الصوره دي مش نازل في قعر الكاسرول.

باللبن بطريقة سهلة ومجربة


بصي كدة من قريب . واضح جداً اني قوامة شبة سائل بس مش لدرجة الماية

باللبن بطريقة سهلة ومجربة


وعلشان توصل الفكرة اكتر بصي بينزل بسهولة ازاي . ليه علشان الرز حيفضل ينزل في نشا وحيخليه يمسك أكتر وأكتر واحنا مش عيزينوة يبقى متماسك وناشف .علشان كدة ما تقلقيش وما تحاوليش تضيفي نشا زيادة لاني دي مقادير مدرسوة 100%

باللبن بطريقة سهلة ومجربة

بحب أضيف رشة فانيليا بتدية نكهة جميلة قداً قداً قداً

باللبن بطريقة سهلة ومجربة

سبته يهدي شوية وصبيته في الكاسات . بصي الرز متوزع ازاي بشكل صحيح في كل الخليط. وبيتصب بسهولة وشبة كثيف بس مش تقيل.

باللبن بطريقة سهلة ومجربة


بصي على الجمال

باللبن بطريقة سهلة ومجربة


أخواتي أخدو كوبايتين علشان مش بيحبو عليه اي مكسرات .

باللبن بطريقة سهلة ومجربة


والكوبايتين دول زينتهم بجوز الهند والزبيب

باللبن بطريقة سهلة ومجربة


أسيبكم مع الصورة النهائية لكاسات الرز بلبن بعد التزين

باللبن بطريقة سهلة ومجربة

باللبن بطريقة سهلة ومجربة

باللبن بطريقة سهلة ومجربة

بصي جميل ازاي من قريب

باللبن بطريقة سهلة ومجربة

وهنا سبتها لما بردت خالص وده بيبقى قوامها . ناعمة وزي الزبدة وطعمها ما أقولكيش بقى.

باللبن بطريقة سهلة ومجربة

لو حبيتي الرز بلبن بتاعك يبقى جميل الشكل الده التزمي بالمقادير الدقيق والتكات وصدقي مش حتغير الطريقة دي لو جربتيها لانها خلاصة خبرة بحطها بين إديكي.

كدة تمام الموضوع خلص للأسف القعدة الجميلة معاكم دايما بتخلص بسرعة بس أكيد لينا لقاء تاني مع وصفة جديدة من مطبخي . بتمنى موضوعي البسيط يكون عجبكم وما تنسوش أختكم لطيفة من صالح دعواتكم الجميلة.





رد مع اقتباس
  #2  
قديم 06-29-2014, 01:47 AM
مشرفة سابقة قسم الأسرة والمجتمع
 Saudi Arabia
 Female
 
تاريخ التسجيل: 21-12-2013
الدولة: المدينة
المشاركات: 288
معدل تقييم المستوى: 11
أسماء الغامدي is on a distinguished road
افتراضي

وعليكم السلام ورحمة الله وبركاته ..
رائعة الوصفة جدا ماشاء الله ..
جزاك الله خيرا ..
سيتم التطبيق إن شاء الله تعالى .



رد مع اقتباس
  #3  
قديم 06-29-2014, 01:57 AM
المدير
 Egypt
 Male
 
تاريخ التسجيل: 16-12-2013
الدولة: القاهرة
العمر: 56
المشاركات: 6,729
معدل تقييم المستوى: 10
بهاء الدين شلبي تم تعطيل التقييم
افتراضي

وخيرا جزاكم الله وبارك فيكم

جربي الطريقة وأخبرينا بالنتائج .. أنا جربت طرق كثيرة جدا لكن بعد خبرة فهذه الأفضل والأسهل

أنا أفضلها بماء الزهر بدلا من الفانيليا فرائحته نفاذة وقوية

وجاهز لأي استفسار



رد مع اقتباس
  #4  
قديم 08-01-2017, 10:09 PM
عضو
 Canada
 Female
 
تاريخ التسجيل: 01-08-2017
الدولة: Reef
المشاركات: 20
معدل تقييم المستوى: 0
لويندا is on a distinguished road
افتراضي

جميلة جربتها مع بعض التعديل

شكرا لكم



رد مع اقتباس
  #5  
قديم 09-03-2017, 07:13 PM
عضو
 Djibouti
 Male
 
تاريخ التسجيل: 03-09-2017
الدولة: جيبوتي
المشاركات: 19
معدل تقييم المستوى: 0
سامر is on a distinguished road
افتراضي

أكلة رائعة



رد مع اقتباس
  #6  
قديم 09-08-2017, 09:14 PM
المدير
 Egypt
 Male
 
تاريخ التسجيل: 16-12-2013
الدولة: القاهرة
العمر: 56
المشاركات: 6,729
معدل تقييم المستوى: 10
بهاء الدين شلبي تم تعطيل التقييم
افتراضي

جزاكم الله خيرا وبارك فيكم



رد مع اقتباس
إضافة رد

الكلمات الدلالية (Tags)
باللبن, بطريقة, رز, سهلة, ومجربة


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


Facebook Comments by: ABDU_GO - شركة الإبداع الرقمية
تابعونا عبر تويترتابعونا عبر فيس بوك تابعونا عبر وورد بريس


Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO Designed & TranZ By Almuhajir
new notificatio by 9adq_ala7sas

جميع حقوق الطبع والنشر محفوظة لمنتدى آخر الزمان©

تابعونا عبر تويتر