منتـدى آخـر الزمـان - رز باللبن بطريقة سهلة ومجربة

السلام عليكم ورحمة الله وبركاتة

هذه طريقة لعمل الرز باللبن [الحليب] توافق طريقتي المجربة .. وهذه أروع طريقة لعمله وسهلة جدا .. وأردت نقلها لكم لكونها جاهزة بالشرح والصور .. نصيحتي جربوها ولن تندموا .. وجاهز لأي استفسار

ده شكل قوام الرز بلبن

http://i982.photobucket.com/albums/a...%20milk/01.jpg

وكدة لما زينا الأطباق بالجوز الهند والزبيب وممكن فستق مبشور

http://i982.photobucket.com/albums/a...h%20milk/1.jpg

المقادير دي تعملك 4 كاسات

http://i982.photobucket.com/albums/a...%20milk/02.jpg

المقادير:-
ملو ايدك كدة رز مصر او ربع كوباية

http://i982.photobucket.com/albums/a...h%20milk/2.jpg

الكوب المستخدم في القياس هو كوباية الماية العادية

2 كوباية لبن طازج
ربع كوباية رز
نص كوباية كريمة لباني
ربع كوباية سكر
1 معلقة طعام مليانة نشا ذرة
وفانيليا للنكهة

http://i982.photobucket.com/albums/a...h%20milk/3.jpg

يا جماعة كتير جدا جدا بيسألوني عن الكريما اللباني بالذات بعد موضوع المهلبية . كريمة الخفق او الكريما اللباني او الduble cream أوالfresh cream هي نفسها الكريم شانتية بس قبل الخفق. وفي نوعين نوع مخصص للحلويات ونوع مخصص للطبخ ممكن تستخدمي أي وحدة فيهم , بس لازم تعرفي اني الي بتبقى مخصصة للحلويات أوقات بتبقى مسكرة يعني مضاف لها سكر بس مش متوفرة كتير بالذات في مصر والي مخصصة للطبخ بتبقى من غير سكر . ممكن تستخدمي اي وحدة فيهم عادي. ده شكل كريمة خفق المراعي الي متوفرة في كل دول الخليج . دي زي ما موضح عليها للحلويات بس النوع الي مخصص للطبخ برضو ممكن تستخدمي في الحلويات لانو كريما لباني من غير سكر.وميزة اضافة الكريما للرز بلبن والمهلبية والعاشوراء بيديها نكهة جميلة جدا جدا ومش بيخليها تعمل وش حتى لما تبات في الثلاجة والميزة الأهم انها بتربط نكهة الرز بنكهة اللبن وبتدي تجانس جميل علماً

http://i982.photobucket.com/albums/a...h%20milk/4.jpg

مش عارفة ليه مقتنعة اني اللرز باللبن ما يتزينش غير بالجوز الهند والزبيب يمكن علشان ما ساعات ما فتحت عنيا وأنا بلقي ماماتي بتزينه بالجوز الهند والزبيب .

http://i982.photobucket.com/albums/a...%20milk/04.jpg

الطريقة:
كتير بيشتكون اني الرز بياخذ وقت طويل عقبال مايستوي يعني بنسيب اللبن بيغلي لفترة لحد ما الرز يستوي .
بصي بقى حنعمل اية . حنجيب كاسارول وحنحط فيها (اللبن والكريما اللباني)

http://i982.photobucket.com/albums/a...h%20milk/5.jpg

الرز المغسول

http://i982.photobucket.com/albums/a...h%20milk/6.jpg

ونضيف السكر

http://i982.photobucket.com/albums/a...h%20milk/7.jpg

كدة عندنا في الكاسرول (اللبن والكريما والسكر والرز)

http://i982.photobucket.com/albums/a...h%20milk/8.jpg

حنرفعها على النار لحد ما تغلي غلوة واحدة بس او تسخن جداً ونطفي عليها ونسيبها لحوالي ساعة . والسبب اننا بنخلي الرز يستوي براحتة من أثر الحرارة وحيبقى بعد كدة كريمي جداً وبيدوب لوحدة بس محافظ على شكلة وحجمه . والأهم انك لما تيجي تاكلي الرز بلبن تحسي اني الرز كان منقوع في لبن مش في مية وطعمه فعلا طعم اللبن ومن هنا بتيجي نكهة (طبق الرز بلبن). على فكرة كلت رز بلبن عند ناس كتير وأغلبهم يا بيغلو الرز في مية وبعد كدة يضيفو على اللبن فللأسف بتحسي انك بتاكل رز مفلفل ومضاف له مهلبية أو بينقعو الرز في المية لفترة طويلة. علشان كدة بتحسي لما بتاكلي رز بلبن من بتوع المحلات اني الرز مندمج جداً والطعم متكامل كدة

http://i982.photobucket.com/albums/a...h%20milk/9.jpg

ده شكل الرز اول ما غلي اللبن وقفلت عليه

http://i982.photobucket.com/albums/a...%20milk/10.jpg

وده شكله بعد ساعة بالظبط بصي بقى طري والحبة طولت جداً وجاهز اننا نعمله رز بلبن , وعلى فكرة لو دقتيه حتحسية متشبع بنكهة اللبن والكريما

http://i982.photobucket.com/albums/a...%20milk/11.jpg

بعد ما كدة حنولع النار على الرز بلبن تاني ونسيبها تغلي كدة حوال ربع ساعة مع التقليب المستمر وحنلاحظ اني الرز استوى نهائي وبقي طري وجميل.

http://i982.photobucket.com/albums/a...%20milk/12.jpg

وهنا شكلة بعد ما استوى 100% بصي ناعم ازاي بس محافظ على شكله لسه

http://i982.photobucket.com/albums/a...%20milk/13.jpg

حنذوب معلقة النشا في مية عادية

http://i982.photobucket.com/albums/a...%20milk/14.jpg

وحنضيفها على الرز بلبن مع التحريك المستمر بالمعلقة الخشب

http://i982.photobucket.com/albums/a...%20milk/15.jpg

وده بقى شكلة . نيجي بقى لمواصفات الرز بلبن الصحيح . حيبقى قوامة شبة تقيل بس أقرب للسيولة . والرز متوزع كدة على الوش زي ما خدتي بالك من الصوره دي مش نازل في قعر الكاسرول.

http://i982.photobucket.com/albums/a...%20milk/16.jpg

بصي كدة من قريب . واضح جداً اني قوامة شبة سائل بس مش لدرجة الماية

http://i982.photobucket.com/albums/a...%20milk/17.jpg

وعلشان توصل الفكرة اكتر بصي بينزل بسهولة ازاي . ليه علشان الرز حيفضل ينزل في نشا وحيخليه يمسك أكتر وأكتر واحنا مش عيزينوة يبقى متماسك وناشف .علشان كدة ما تقلقيش وما تحاوليش تضيفي نشا زيادة لاني دي مقادير مدرسوة 100%

http://i982.photobucket.com/albums/a...%20milk/18.jpg

بحب أضيف رشة فانيليا بتدية نكهة جميلة قداً قداً قداً

http://i982.photobucket.com/albums/a...%20milk/19.jpg

سبته يهدي شوية وصبيته في الكاسات . بصي الرز متوزع ازاي بشكل صحيح في كل الخليط. وبيتصب بسهولة وشبة كثيف بس مش تقيل.

http://i982.photobucket.com/albums/a...%20milk/20.jpg

بصي على الجمال

http://i982.photobucket.com/albums/a...%20milk/21.jpg

أخواتي أخدو كوبايتين علشان مش بيحبو عليه اي مكسرات .

http://i982.photobucket.com/albums/a...%20milk/22.jpg

والكوبايتين دول زينتهم بجوز الهند والزبيب

http://i982.photobucket.com/albums/a...%20milk/23.jpg

أسيبكم مع الصورة النهائية لكاسات الرز بلبن بعد التزين

http://i982.photobucket.com/albums/a...%20milk/24.jpg

http://i982.photobucket.com/albums/a...%20milk/25.jpg

http://i982.photobucket.com/albums/a...%20milk/26.jpg

بصي جميل ازاي من قريب

http://i982.photobucket.com/albums/a...%20milk/27.jpg

وهنا سبتها لما بردت خالص وده بيبقى قوامها . ناعمة وزي الزبدة وطعمها ما أقولكيش بقى.

http://i982.photobucket.com/albums/a...%20milk/28.jpg

لو حبيتي الرز بلبن بتاعك يبقى جميل الشكل الده التزمي بالمقادير الدقيق والتكات وصدقي مش حتغير الطريقة دي لو جربتيها لانها خلاصة خبرة بحطها بين إديكي.

كدة تمام الموضوع خلص للأسف القعدة الجميلة معاكم دايما بتخلص بسرعة بس أكيد لينا لقاء تاني مع وصفة جديدة من مطبخي . بتمنى موضوعي البسيط يكون عجبكم وما تنسوش أختكم لطيفة من صالح دعواتكم الجميلة.

المصدر:
الرز بلبن بس بإبداعات شيف لطيفة ^_^ - منتدى فتكات